ერთ-ერთი უმსხვილესი სამშენებლო ჯგუფი საქართველოში, რომელიც გამორჩეულია თავისი პროდუქტის ხარისხითა და წარმატებით, ორჯერ დაჯარიმდა შრომის უსაფრთხოების ინსპექციის მიერ. ჯარიმასთან ერთად, მას სამუშაო პროცესიც შეუჩერეს.
მიუხედავად აქტიური მუშაობისა, კომპანიამ ვერ მოახერხა კრიტიკული დარღვევების აღმოფხვრა. ამის ძირითადი მიზეზი, პრობლემებისა და სიმპტომების არასწორი ანალიზი გახდა. ცვლილებები არ აკმაყოფილებდა შრომის ინსპექციის მოთხოვნებს და რაც ყველაზე მთავარია, ამ დროის მანძილზე კომპანია ვერ ახერხებდა მუშაობის განახლებას.
საკითხის გადაჭრა საგრძნობლად გახანგრძლივდა. 50 000 ლარიან ჯარიმასთან ერთად, კომპანიას უწევდა სამუშაოების შეჩერებისგან გამოწვეული ზარალის ატანა. ამ დროს, მათ ემსახურებოდათ ბაზარზე არსებული შრომის უსაფრთხოების საკონსულტაციო სხვა ორგანიზაცია.
კომპანიის გადაწყვეტილებით, საქმეში ჩაერთო რედლაინერი. ჩვენ მაქსიმალურად სწრაფად აღმოვფხვერით კრიტიკული დარღვევები და გავმართეთ უსაფრთხოების დოკუმენტაცია. გამოიყო მინდობილი პირი რედლაინერიდან, რომელსაც გადაეცა მინდობილობა დამქირავებელი კომპანიისგან და ჩაბარდა სრული კომუნიკაცია სახელმწიფო სტრუქტურებთან.
რედლაინერის მიერ, პრობლემების ქირურგიული სიზუსტით აღმოფხვრის შემდეგ, კომპანიას მიეცა სამუშაოების განახლების უფლება. ჩვენი თანამშრომელი ყოველ დღე ესწრება სამუშაოებს, შესაძლო გართულებების აღმოფხვრის მიზნით.
აღნიშნული შემთხვევის შემდეგ კომპანიამ 3 ინსპექცია ყოველგვარი პრობლემის გარეშე გაიარა.
მსგავსი სიტუაცია არაერთხელ შეგვხვდა სამშენებლო სექტორში. ერთ-ერთ კომპანიას მიეცა 3 თვე პრობლემების აღმოსაფხვრელად, თუმცა საბოლოოდ მაინც დაჯარიმდნენ, მიუხედავად კომპანიაში არსებული შრომის უსაფრთხოების სპეციალისტისა.
თითოეულ ამდაგვარ სიტუაციას, რედლაინერი ეფექტურად უმკლავდება. ქმნის შესაბამის დოკუმენტაციას და აწესრიგებს ურთიერთობებს სახელმწიფო სექტორთან.